ថ្ងៃពុធ ៣ រោច ខែអស្សុជ ឆ្នាំកុរ ឯកស័ក ពុទ្ធសករាជ ២៥៦៣ ត្រូវនឹងថ្ងៃទី១៦ ខែតុលា ឆ្នាំ២០១៩ ឯកឧត្តមបណ្ឌិត អុិត សំហេង រដ្ឋមន្រ្តីក្រសួងការងារ និងបណ្តុះបណ្តាលវិជ្ជាជីវៈ បានអញ្ជើញជាអធិបតីក្នុងពិធីសំណេះសំណាលជាមួយ សាស្រ្តាចារ្យ មន្រ្តីរាជការ និងបុគ្គលិកនៃវិទ្យាស្ថានជាតិពាណិជ្ជសាស្រ្ត ដោយមានការអញ្ជើញចូលរួមពី ឯកឧត្តមបណ្ឌិត ពេជ សោភ័ន រដ្ឋលេខាធិការប្រចាំការ ឯកឧត្តមអនុរដ្ឋលេខាធិការ និងថ្នាក់ដឹកនាំផ្សេងៗទៀតរបស់ក្រសួងការងារ និងបណ្តុះបណ្តាលវិជ្ជាជីវៈ។

ថ្ងៃចន្ទ ១ រោច ខែអស្សុជ ឆ្នាំកុរ ឯកស័ក ពុទ្ធសករាជ ២៥៦៣ ត្រូវនឹងថ្ងៃទី១៤ ខែតុលា ឆ្នាំ២០១៩ លោកស្រី អ៊ូ ព្រំសុធារី បានដឹកនាំ មន្រ្តី សាស្រ្តាចារ្យ និងនិស្សិតនៃវិទ្យាស្ថានជាតិពាណិជ្ជសាស្រ្តទៅកាន់ក្រុមហ៊ុនខ្មែរប៊ែវើរីជីស

ថ្ងៃព្រហស្បតិ៍ ១៤ កើត ខែភទ្របទ ឆ្នាំកុរ ឯកស័ក ពុទ្ធសករាជ ២៥៦៣ ត្រូវនឹងថ្ងៃទី១២ ខែកញ្ញា ឆ្នាំ២០១៩ វិទ្យាស្ថានជាតិពាណិជ្ជសាស្រ្តបានរៀបចំ ការប្រឡងបញ្ចប់ការសិក្សាថ្នាក់បរិញ្ញាបត្រជំនាន់ទី១៤ និងបរិញ្ញាបត្ររងជំនាន់ទី២៩

សម្រាប់ថ្នាក់ឆ្នាំសិក្សាថ្មី ២០១៩-២០២០ ថ្នាក់បរិញ្ញាបត្រ និងថ្នាក់បរិញ្ញាបត្ររង មានទទួលចុះឈ្មោះសិក្សាចាប់ពីថ្ងៃនេះតទៅ ហើយចាប់ផ្ដើមចូលរៀននៅថ្ងៃទី១ ខែតុលា ឆ្នាំ២០១៩ តទៅ ។

ថ្ងៃអង្គារ ៦កើត ខែស្រាពណ៍ ឆ្នាំកុរ ឯកស័ក ពុទ្ធសករាជ ២៥៦៣ ត្រូវនឹងថ្ងៃទី៦ ខែសីហា ឆ្នាំ២០១៩ និស្សិតវិទ្យាស្ថានជាតិពាណិជ្ជសាស្ត្របានធ្វើដំណើរទស្សនកិច្ចសិក្សាកាន់ក្រុមហ៊ុន ខ្មែរប៊ែវើរីជីស ឯ.ក ដើម្បីពិនិត្យមើលសង្វាក់ផលិតកម្មនៃការផលិតនៃក្រុមហ៊ុន

នាព្រឹកថ្ងៃសៅរ៍ ៣ កើត ខែស្រាពណ៍ ឆ្នាំកុរ ឯកស័ក ពុទ្ធសករាជ ២៥៦៣ ត្រូវនឹងថ្ងៃទី៣ ខែសីហា ឆ្នាំ២០១៩ ឯកឧត្តម តឹប អឿន នាយកវិទ្យាស្ថានជាតិពាណិជ្ជសាស្ត្រ និងសហការី បានដឹកនាំនិស្សិតទៅធ្វើទស្សនកិច្ចសិក្សានៅក្រុមហ៊ុន DKSH (Cambodia) Ltd. ដើម្បីផ្តល់ឱកាសឱ្យនិស្សិតបានសិក្សាស្វែងយល់ពីប្រវត្តិរបស់ក្រុមហ៊ុន មូលដ្ឋាននៃការគ្រប់គ្រងខ្សែសង្វាក់ផ្គត់ផ្គង់ និងសិក្សាស្វែងយល់ពីចំណុចសំខាន់ៗនៃប្រតិបត្តិការជាក់ស្តែងរបស់ក្រុមហ៊ុន DKSH (Cambodia) Ltd.។

នៅថ្ងៃទី១៨ ខែកក្កដា ឆ្នាំ២០១៩នេះ វិទ្យាស្ថានជាតិពាណិជ្ជសាស្រ្តបានចុះអនុស្សារណៈយោគយល់ជាមួយនឹងគ្រឹះស្ថានមីក្រូហិរញ្ញវត្ថុ ជោគជ័យ ហ្វាយនែន ភីអិលស៊ី (CCF) ដើម្បីបណ្ដុះបណ្ដាលនិស្សិតឱ្យមានសមត្ថភាពការងារ និងប្រាក់ស្វែងរកចំណូលខ្ពស់ នៅក្នុងសម័យសកលភាវូបនីយកម្មនាពេលបច្ចុប្បន្ននេះ។ ឯកឧត្តម តឹប អឿន នាយកវិទ្យាស្ថានពាណិជ្ជសាស្ត្រ បានថ្លែងថា ការចុះហត្ថលេខាលើអនុស្សារណៈយោគយល់ ស្តីពីការលើកកម្ពស់វិស័យអប់រំរវាង គ្រឹះស្ថានមីក្រូហិរញ្ញវត្ថុ ជោគជ័យ ហ្វាយនែន ភីអិលស៊ី (CCF)នេះ ក្នុងគោលដៅចូលរួមបណ្ដុះបណ្ដាលឱ្យនិស្សិតមានសមត្ថភាពការងារ និងប្រាក់ចំណូលខ្ពស់។

នៅរសៀលថ្ងៃទី១៥ ខែកក្កដា ឆ្នាំ២០១៩នេះ ឯកឧត្តម តឹប អឿន នាយកវិទ្យាស្ថានជាតិពាណិជ្ជសាស្រ្ត និងសហការី​ រួមទាំងនិស្សិត-និស្សិតជាកាកក្របាទក្រហម បាននាំយកប្រាក់មូលនិធិNIB ទៅជូននិស្សិតឈ្មោះ​ ឌិន​ ចន្ទសិរីរាជ​ រៀនបន្ទប់A5.1យប់ដែលបានគ្រោះថា្នក់ចរាចរណ៍កាលពីថ្ងៃសុក្រទី១២ ខែកក្កដា ឆ្នាំ២០១៩ ដែលកំពុងសម្រាកព្យាបាលនៅមន្ទីរពេទ្យមិត្តភាពខ្មែរ-សូវៀត។

នៅរសៀលថ្ងៃអង្គារ ១កើត ខែអាសាឍ ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី២ ខែកក្កដា ឆ្នាំ ២០១៩ នៅសាលប្រជុំតូចនៃវិទ្យាស្ថានជាតិពាណិជ្ជសាស្ត្រ ឯកឧត្តម តឹប អឿន នាយកវិទ្យាស្ថានជាតិពាណិជ្ជសាស្រ្ត និងគណៈគ្រប់គ្រងវិទ្យាស្ថានបានទទួលស្វាគមន៍គណៈប្រតិភូចិនចំនួន០៤រូប ដែលអញ្ជើញមកពីសាកលវិទ្យាល័យ SUSE ប្រទេសចិន។

ថ្ងៃសុក្រ ១១ រោច ខែជេស្ឋ ឆ្នាំកុរ ឯកស័ក ពុទ្ធសករាជ ២៥៦៣ ត្រូវនឹងថ្ងៃទី២៨ ខែមិថុនា ឆ្នាំ២០១៩ វិទ្យាស្ថានជាតិពាណិជ្ជសាស្ត្រ និង 2019 ICOFIS បានធ្វើសន្និសីទអន្តរជាតិស្តីពី កំណើនប្រកបដោយនិរន្តរភាព និងកិច្ចសហប្រតិបត្តិការទៅវិញទៅមកក្នុងសម័យបដិវត្តន៍ឧស្សាហកម្មជំនាន់ទី៤ នៅវិទ្យាស្ថានជាតិពាណិជ្ជសាស្ត្រ។