សេចក្តីជូនដំណឹងស្តីពីកាលបរិច្ឆេទនៃការដាក់និងឈប់ទទួលពាក្យចុះឈ្មោះចូលរៀនអាហារូបករណ៍សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត

នៅថ្ងៃសៅរ៍ ៣រោច ខែអស្សុជ ឆ្នាំច ព.ស២៥៦២ ត្រូវនឹងថ្ងៃទី២៧ ខែតុលា ឆ្នាំ២០១៨ វិទ្យាស្ថានជាតិពាណិជ្ជសាស្រ្តបានចូលរូមពិព័ណ៌ការងារ និងផលិតភាពជាតិលើកទី០៨ ឆ្នាំ២០១៨ នៅមជ្ឈមណ្ឌលសន្និបាត និងពិព័រណ៍កោះពេជ្រ។

វិទ្យាស្ថានជាតិពាណិជ្ជសាស្ត្រកំពុងរៀបចំកម្មវិធីប្រកួតប្រជែងនិស្សិតឆ្នើមវិទ្យាស្ថានជាតិពាណិជ្ជសាស្រ្តហើយចាប់ផ្តើមទទួលស្នាដៃនៃវិញ្ញាសានីមួយៗរបស់បេក្ខជនពីថ្ងៃទី០១ - ១៥ ខែតុលា ឆ្នាំ២០១៨ ដូចនេះសូមនិស្សិតនិងអតីតនិស្សិតទាំងអស់បង្កើតស្នាដៃនិងចូលរួមប្រកួតប្រជែងឲ្យបានច្រើន! សូមមើលលក្ខណ្ឌដូចខាងក្រោម៖

នៅព្រឹកថ្ងៃព្រហស្បតិ៍ ៤កេីត ខែភទ្របទ ឆ្នាំច សំរឹទ្ធិស័ក ពុទ្ធសករាជ ២៥៦២ ត្រូវនឹងថ្ងៃទី១៣ ខែកញ្ញា ឆ្នាំ២០១៨ វិទ្យាស្ថានជាតិពាណិជ្ជសាស្ត្របានរៀបចំកម្មវិធីប្រឡងបញ្ចប់ការសិក្សាសម្រាប់និស្សិតកម្រិតសញ្ញាបត្របច្ចេកទេសនិងវិជ្ជាជីវៈ៣ សញ្ញាបត្រជាន់ខ្ពស់ និងបរិញ្ញាបត្រ។ បញ្ជាក់: ការប្រឡងមានរយៈបីថ្ងៃ

កាលពីព្រឹកថ្ងៃពុធ ១០រោច ខែស្រាពណ៍ ឆ្នាំច ត្រូវនឹងថ្ងៃទី០៥ ខែកញ្ញា ឆ្នាំ២០១៨ ក្រុមអ្នកជំនាញការខាងគម្រោង TVETSDP និងនាយកដ្ឋានស្តង់ដារ និងកម្មវិធីសិក្សា បានចុះមកធ្វេីសកម្មភាពវាយតម្លៃសាកល្បងទៅលេីផ្នែកតម្លេីងប្រព័ន្ធកុំព្យូទ័រនៃសេវាកម្មកុំព្យូទ័រ (សញ្ញាបត្របច្ចេកទេសនិងវិជ្ជាជីវៈ១)នៃវិទ្យាស្ថានជាតិពាណិជ្ជសាស្រ្ត។

នៅព្រឹកថ្ងៃចន្ទ ៨រោច ខែស្រាពណ៍ ឆ្នាំច សំរឹទ្ធស័ក ពុទ្ធសករាជ២៥៦២ ត្រូវនឹងថ្ងៃទី០៣ ខែកញ្ញា ឆ្នាំ២០១៨ អគ្គនាយកដ្ឋានទូរទស្សន៍បាយ័ន បានអញ្ជេីញផ្តល់កិច្ចសម្ភាសន៍ជាមួយឯកឧត្តម តឹប អឿន នាយកវិទ្យាស្ថានជាតិពាណិជ្ជសាស្រ្ត លេីប្រធានបទ: ការត្រៀមខ្លួនរបស់សាកលវិទ្យាល័យ សម្រាប់ឆ្នាំសិក្សាថ្មី និងថាតេីយុវជនត្រូវជ្រេីសរេីស និងត្រៀមខ្លួនយ៉ាងណាសម្រាប់ថ្នាក់ឧត្តមសិក្សា?

ថ្ងៃចន្ទ ១ រោច ខែស្រាពណ៍ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី២៧ ខែសីហា ឆ្នាំ២០១៨គណគ្រប់គ្រងវិទ្យាស្ថានជាតិពាណិជ្ជសាស្រ្តបានទៅទស្សនកិច្ចម្បីធនាគារកាណាឌីយ៉ា ក.អ ដើម្បីពង្រឹងនិងពង្រីកកិច្ចសហប្រតិបត្តការរវាងវិទ្យាស្ថានជាតិពាណិជ្ជសាស្រ្ត និងធនាគារ។

នៅថ្ងៃ ពុធ ៤កើត ខែស្រាពណ៍ ឆ្នាំច ព.ស ២៥៦២ ត្រូវនឹងថ្ងៃទី១៥ ខែសីហា ឆ្នាំ២០១៨ តំណាងផ្សារ Makro មកទស្សនកិច្ចនៅវិទ្យាស្ថានជាតិពាណិជ្ជសាស្រ្ត(NIB)ដើម្បីធ្វើកិច្ចសហប្រតិបត្តិការ ពិសេសផ្តល់ឱកាសការងារដល់និស្សិតវិទ្យាស្ថានជាតិពាណិជ្ជសាស្រ្ត(NIB)។

ថ្ងៃព្រហស្បតិ៍ ៨រោច ខែបឋមាសាឍ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី០៥ ខែកក្កដា ឆ្នាំ២០១៨ វិទ្យាស្ថានជាតិពាណិជ្ជសាស្រ្តបានធ្វើចុះហត្ថលេខាលើអនុស្សរណៈនៃការយោគយល់គ្នាស្តីពីការទទួលនិស្សិតអាហារូបករណ៍របស់វិទ្យាស្ថានជាតិពាណិជ្ជសាស្រ្តចំនួន ៤០នាក់ ទៅសិក្សានៅ SVTCC នៃសាធារណរដ្ឋប្រជាមានិតចិន

ពិធីបើកកម្មវិធីទិវាជាតិអប់រំបណ្តុះបណ្តាលបច្ចេកទេស និងវិជ្ជាជីវៈ លើកទី១ ឆ្នាំ២០១៨ ក្រោមអធិបតីភាព ឯកឧត្តមបណ្ឌិត ពេជ សោភ័ន រដ្ឋលេខាធិការក្រសួងការងារ និងបណ្តុះបណ្តាលវិជ្ជាជីវៈ នៅសាលពិព័រណ៍ និងពាណិជ្ជកម្មកោះពេជ្រ ។ វិទ្យាស្ថានជាតិពាណិជ្ជសាស្រ្តក៏បានចូលរួមផ្សព្វផ្សាយព័ត៌មានសិក្សាដល់ប្អូនសិស្ស និស្សិតសម្រាប់ឆ្នាំសិក្សា ២០១៨-២០១៩ ដែលបានចូលរួមក្នុងកម្មវិធីនេះផងដែរ កម្មវិធីនេះមានរយៈពេលពីរថ្ងៃគឺថ្ងៃទី១៥-១៦ ខែមិថុនា ឆ្នាំ២០១៨ ចាប់ពីម៉ោង ៨ព្រឹក ដល់ម៉ោង ៨យប់។