នៅព្រឹកថ្ងៃអង្គារ ១៥ កើត ខែជេស្ឋ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី២៩ ខែឧសភា ឆ្នាំ២០១៨ ឯកឧត្តមបណ្ឌិត ពេជ សោភ័ន រដ្ឋលេខាធិការនៃក្រសួងការងារ និងបណ្តុះបណ្តាលវិជ្ជាជីវៈ បានអញ្ជើញជាអធិបតីក្នុងពិធីសំណេះសំណាលជាមួយបុគ្គលិក មន្រ្តីរាជការ សាស្រ្តាចារ្យរបស់វិទ្យាស្ថានជាតិពាណិជ្ជសាស្រ្ត ព្រមទាំងគ្រូបង្រៀននិងសិស្សនៃវិទ្យាល័យក្រាំងស្លា ដែលអញ្ជើញមកពីឃុំចារ ស្រុកព្រៃកប្បាស ខេត្តតាកែវ។

នៅរសៀលថ្ងៃព្រហស្បតិ៍ ១០កើត ខែជេស្ឋ ឆ្នាំច សំរិទ្ធស័ក ព.ស២៥៦២ ត្រូវនឹងទី២៤ ខែឧសភា ឆ្នាំ២០១៨ នៅវិទ្យាស្ថានជាតិពាណិជ្ចសាស្រ្តបានរៀបចំពិធីបំពាក់កន្សែងជូនយុវជនកាកបាទក្រហមកម្ពុជាថ្មីចំនួន៥០នាក់ នៃក្លឹបយុវជនកាកបាទក្រហមកម្ពុជាប្រចាំវិទ្យាស្ថានជាតិពាណិជ្ជសាស្រ្ត ក្រោមអធិបតីភាព ឯកឧត្តម ពិត ចំណាន រដ្ឋលេខាធិការនៃក្រសួងអប់រំ យុវជន និងកីឡា

ថ្ងៃព្រហស្បតិ៍ ៣ កើត ខែជេស្ឋ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី១៧ ខែឧសភា ឆ្នាំ២០១៨ វិទ្យាស្ថានជាតិពាណិជ្ជសាស្រ្តបានបើកកម្មវិធីវគ្គបណ្តុះបណ្តាលមូលដ្ឋានដល់យុវជន កាកបាទក្រហមកម្ពុជាថ្មីចំនួន៧០នាក់នៃក្លឹបយុវជន កក្រក ប្រចាំវិទ្យាស្ថានជាតិពាណិជ្ជសាស្រ្ត ក្រោមប្រធានបទ “ ការសង្គ្រោះបឋម”។

ដើម្បីអបអរបុណ្យឆ្នាំថ្មីប្រពៃណីជាតិខ្មែរវិទ្យាស្ថានជាតិពាណិជ្ជសាស្ត្របានប្រារព្ធធ្វើពិធីសង្ត្រានពាណិជ្ជសាស្ត្រដែលប្រព្រឹត្តទៅនៅថ្ងៃទី០៧ ខែមេសា ឆ្នាំ២០១៨ ចាប់ពីម៉ោង ៧ព្រឹក ដល់ម៉ោង ០៧ យប់ ដោយមានការលេងល្បែងប្រជាប្រិយ និងរាំលេងកម្សាន្តរហូតដល់ចប់កម្មវិធី

ថ្ងៃចន្ទ ១០ កើត ខែចេត្រ ឆ្នាំរកា នព្វស័ក ពុទ្ធសករាជ ២៥៦១ ត្រូវនឹងថ្ងៃទី២៦ ខែមីនា ឆ្នាំ២០១៨ វិទ្យាស្ថានជាតិពាណិជ្ជសាស្ត្របានប្រារព្វពិធីប្រគល់សញ្ញាបត្របញ្ចប់ការសិក្សាដល់និស្សិតថ្នាក់បរិញ្ញាបត្រជាន់ខ្ពស់ បរិញ្ញាបត្រ និងសញ្ញាបត្រជាន់ខ្ពស់ ចំនួន ២៦៧៥ នាក់ ក្រោមអធិបតីភាពដ៏ខ្ពង់ខ្ពស់ ឯកឧត្តមបណ្ឌិត ហ៊ុន ម៉ាណែត តំណាងដ៏ខ្ពង់ខ្ពស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា។

នៅថ្ងៃអង្គារ ៤ កើត ខែចេត្រ ឆ្នាំរកា នព្វស័ក ព.ស.២៥៦១ ត្រូវនឹងថ្ងៃទី២០ ខែមីនា ឆ្នាំ២០១៨ ឯកឧត្តម តឹប អឿន នាយកវិទ្យាស្ថានជាតិពាណិជ្ជសាស្រ្ត បានដឹកនាំនិស្សិត សាស្រ្តាចារ្យ ទៅធ្វើទស្សនកិច្ចសិក្សានៅក្រុមហ៊ុន ខ្មែរ ប៊ែវើរីជីស លីមីធីត ក្នុងគោលបំណងឲ្យនិស្សិតឆ្លុះបញ្ចាំងពីចំណេះដឹងដែលទទួលបាននៅវិទ្យាស្ថាន និងការអនុវត្តផ្ទាល់នៅរោងចក្រ។

នៅព្រឹកថ្ងៃចន្ទ ៤ រោច ខែផល្គុន ឆ្នាំរកា នព្វស័ក ព.ស.២៥៦១ ត្រូវនឹងថ្ងៃទី៥ ខែមីនា ឆ្នាំ២០១៨ នៅវិទ្យាស្ថានជាតិពាណិជ្ជសាស្រ្តបានប្រារពពិធី អបអរសាទរទិវានារីអន្តរជាតិ ៨ មីនា ២០១៨ ខួបលើកទី១០៧ ក្រោមប្រធានបទ "ស្រ្តីរួមគ្នារក្សាសន្តិភាពដើម្បីអភិវឌ្ឍជាតិ" ក្រោមអធិបតីភាព ឯកឧត្តម តឹប អឿន នាយកវិទ្យាស្ថានជាតិពាណិជ្ជសាស្រ្ត។

វិទ្យាស្ថានជាតិពាណិជ្ជសាស្ត្រសូមជូនដំណឹងដល់ប្អូនៗនិស្សិតជ័យលាភីដែលបានបញ្ចប់ឆ្នាំសិក្សា២០១៤-២០១៦ ឱ្យបានជ្រាបថា ពិធីប្រគល់សញ្ញាបត្រដែលគ្រោងនឹងរៀបចំនៅថ្ងៃទី២៤ ខែមីនា ឆ្នាំ២០១៨ ក្រោមអធិបតីភាពដ៏ខ្ពង់ខ្ពស់ ឯកឧត្តមបណ្ឌិត ហ៊ុន ម៉ាណែត ត្រូវបានលើកទៅថ្ងៃទី២៦ ខែមីនា ឆ្នាំ២០១៨ វិញ ។ អាស្រ័យដូចបានជម្រាបជូនខាងលើសូមប្អូនៗ ជ្រាបជាព័ត៍មាន។

នៅព្រឹកថ្ងៃព្រហស្បតិ៍ ១រោច ខែមាឃឆ្នាំរកា នព្វស័ក ព.ស ២៥៦១ ត្រូវនឹងថ្ងៃទី១ ខែកុម្ភ: ឆ្នាំ២០១៨ វិទ្យាស្ថានមានរៀបចំកម្មវិធីស្វាគមន៍គណប្រតិភូមកពីប្រទេសកូរ៉េ ដែលមានការអញ្ជីញចូលរួមពីសំណាក់ថ្នាក់ដឹកនាំបុគ្គលិក មន្រ្តីរាជការ និងសាស្រ្តាចារ្យព្រមទាំងនិស្សិតវិទ្យាស្ថានសរុបចំនួនជាង២០០នាក់។ ក្នុងនោះដែរគណប្រភូកូរ៉េបានឧត្ថម្ភថវិកាចំនួន២០០$ដល់វិទ្យាស្ថាន និងឧបត្ថម្ភសម្ភារៈមួយចំនួនដល់និស្សិត និងមន្រ្តី សាស្រ្តាចារ្យនៃវិទ្យាស្ថានជាតិពាណិជ្ជសាស្រ្តផងដែរ។

វិទ្យាស្ថានជាតិពាណិជ្ជសាស្ត្រសូមជម្រាបជូនដំណឹងដល់ប្អូនៗដែលបានបញ្ចប់ការសិក្សាថ្នាក់បរិញ្ញាបត្រជាន់ខ្ពស់ ថ្នាក់បរិញ្ញាបត្រ និងថ្នាក់សញ្ញាបត្រជាន់ខ្ពស់ នៅឆ្នាំ២០១៤ ២០១៥ និង២០១៦ វិទ្យាស្ថាននឹងធ្វើពិធីប្រគល់សញ្ញាបត្រនៅថ្ងៃទី ២៤ ខែមីនា ឆ្នាំ២០១៨ ខាងមុខ ។ ដូចនេះសូមអញ្ជើញប្អូនៗនិស្សិតមកទាក់ទងវិទ្យាស្ថានដើម្បីទទួលព័ត៌មានចាប់ពីថ្ងៃទី ០៨ ខែមករា ឆ្នាំ២០១៨ ដល់ថ្ងៃទី ០៥ ខែមីនា ឆ្នាំ២០១៨ ។