នៅថ្ងៃ សុក្រ ១២រោច ខែមិគសិរ ឆ្នាំរកា ព.ស ២៥៦១ ត្រូវនឹងថ្ងៃទី១៥ ខែធ្នូ គ.ស ២០១៧ ឯកឧត្តម តឹប អឿន នាយកវិទ្យាស្ថានជាតិពាណិជ្ជសាស្រ្ត និង Mr. Sunny Wen, Managing Director of CamHR បានចុះហត្ថលេខាលើអនុស្សរណៈនៃការយោគយល់គ្នារវាង វិទ្យាស្ថានជាតិពាណិជ្ជសាស្ត្រ និង ក្រុមហ៊ុន CamHR។

នៅថ្ងៃ អង្គារ ៩រោច ខែមិគសិរ ឆ្នាំរកា ព.ស ២៥៦១ ត្រូវនឹងថ្ងៃទី១២ ខែធ្នូ ឆ្នាំ២០១៧ វិទ្យាស្ថាជាតិពាណិជ្ជសាស្រ្តបានប្រារព្ធពិធីបើកបវេសនកាលឆ្នាំសិក្សាថ្មី ២០១៧ - ២០១៨ ក្រោមអធិបតីភាពឯឧត្តម តឹប អឿន នាយកវិទ្យាស្ថាន។ នៅក្នុងពិធីនេះដែរ ឯកឧត្តមនាយកក៏បានមានមតិសំណេះសំណាលជាមួយប្អូននិស្សិតដែលមកទទួលយកការបណ្តុះបណ្តាលថ្នាក់ឧត្តមសិក្សានៅវិទ្យាស្ថាន និងបានផ្តល់ដំបូលន្មាននិងអនុសាសន៍ល្អៗ ដល់ប្អូនៗ ផងដែរ និងចុងបញ្ចប់វិទ្យាស្ថានក៏មានពិធីចែកប័ណ្ណសរសើរដល់ប្អូនៗ និស្សិតវិទ្យស្ថានដែលបានចូលរួមប្រគួតប្រជែងជំនាញព័ត៌មានវិទ្យា ដែលទទួលបានចំណាត់ថ្នាក់ល្អផងដែរ។

ការិយាល័យសិក្សា នៃវិទ្យាស្ថាជាតិពាណិជ្ជសាស្រ្ត សូមជម្រាបជូនដល់ប្អូនៗដែលបានមកដាក់ពាក្យសុំប្រឡងអាហារូបករណ៍ និងរៀនបង់ថ្លៃ ជំនាញភាសាអង់គ្លេស នៅវិទ្យាស្ថាន សូមប្អូនៗអញ្ជើញមកប្រឡងតេស្តសមត្ថភាពនៅថ្ងៃទី ២៤ ខែវិច្ឆិកា ឆ្នាំ២០១៧ វេលាម៉ោង ៨:០០ នាទី ព្រឹក ។

នៅរសៀលថ្ងៃទី១៦ ខែវិច្ឆិកា ឆ្នាំ២០១៧ វិទ្យាស្ថានជាតិពាណិជ្ជសាស្រ្ត និង មហាវិទ្យាល័យគ្រប់គ្រងទីក្រុងឆុងឈីង(ប្រទេសចិន) បានធ្វើពិធីចុះអនុស្សរណៈយោគយល់គ្នា។ អនុស្សរណៈដែលក្នុងគោលបំណងធ្វើការផ្លាស់ប្តូរបទពិសោធន៍ និងពង្រឹងគុណភាព ភាពជាដៃគូររបស់វិទ្យាស្ថានជាមួយបណ្តាប្រទេសនានា។

នៅព្រឹកថ្ងៃទី៣០ ខែតុលា ឆ្នាំ២០១៧ ឯកឧត្តមបណ្ឌិត ពេជ សោភ័ន រដ្ឋលេខាធិការនៃក្រសួងការងារ និងបណ្តុះបណ្តាលវិជ្ជាជីវៈ បានសំណេះសំណាលជាមួយបុគ្គលិក មន្រ្តីរាជការ សាស្រ្តាចារ្យ និងនិស្សិតនៃវិទ្យាស្ថានជាតិពាណិជ្ជសាស្រ្ត ក្រោមប្រធានបទ "ផលិតភាព និងការប្រើប្រាស់ជំនាញទន់"។

នៅថ្ងៃទី២៧ ២៨ ខែតុលា ឆ្នាំ២០១៧ វិទ្យាស្ថានជាតិពាណិជ្ជសាស្ត្របានចូលរួមការតាំងពិពរណ៍ការងារនិងផលិតភាពជាតិ ឆ្នាំ២០១៧ នៅមផ្ឈមណ្ឌលពិពរណ៍កោះពេជ្រ ដើម្បីផ្តល់ព័ត៌មានដល់ប្អូននិស្សិតដើម្បីមានឱកាសស្វែងរកការងារធ្វើ និងប្អូនៗដែលទើបប្រឡងសញ្ញបត្រមធ្យមសិក្សាទុតិយភូមិជ្រើសរើសគ្រឺះស្ថានឧត្តមសិក្សាដើម្បីបន្តការសិក្សា។

នៅថ្ងៃទី១៤ ១៥ ខែតុលា ឆ្នាំ២០១៧ វិទ្យស្ថានជាតិពាណិជ្ជសាស្ត្របានចូលរួមការតាំងពិពរណ៍សាកលវិទ្យាល័យនៅមជ្ឈមណ្ឌលពិពរណ៍កោះពេជ្រ ក្នុងគោលបំណងផ្សព្វផ្សាយនូវកម្មវិធីសិក្សាដែលវិទ្យាស្ថានបានបណ្តុះបណ្តាលទៅដល់ប្អូនៗសិស្ស-និស្សិត ដែលទើបប្រឡងជាប់មធ្យមសិក្សាទុតិយកភូមិថ្មីៗ ដើម្បីសិក្សាបន្តថ្នាក់បរិញ្ញាបត្រ និងបរិញ្ញាបត្ររង

នៅព្រឹកថ្ងៃទី០៩ ខែតុលា ឆ្នាំ២០១៧ ឯកឧត្តម តឹប អឿន នាយកវិទ្យាស្ថានជាតិពាណិជ្ជសាស្រ្ត បានផ្តល់រង្វាន់ជាថវិកាដល់និស្សិតជយលាភី និងអ្នកចូលរួមក្នុងកម្មវិធីសំណួរចម្លើយពាក់ព័ន្ធនឹងការធ្វើបច្ចុប្បន្នភាពបញ្ជីបោះឆ្នោត និងការចុះឈ្មោះបោះឆ្នោតឆ្នាំ២០១៧ នៅស្ថានីយ៍ទូរទស្សន៍ជាតិកម្ពុជា។

ក្រោយពីកាប្រកាសលទ្ធផលប្រឡងសញ្ញាបត្រមធ្យមសិក្សាទុតិយភូមិមានសិស្សជាច្រើនមកសួរព័ត៌មាន និងទទួលយកការសិក្សាបន្តនៅវិទ្យាស្ថានជាតិពាណិជ្ជសាស្ត្រ ។

នៅថ្ងៃទី១២ ខែកញ្ញា ឆ្នាំ២០១៧ ឯ.ឧ តឹប អឿន នាយកវិទ្យាស្ថានជាតិពាណិជ្ជសាស្រ្តបានទទួលជួបពិភាក្សាការងារជាមួយក្រុមការងារអញ្ជើញមកពីក្រុមហ៊ុនជប៉ុន។