ថ្ងៃទី០៥ ខែកញ្ញា ឆ្នាំ២០១៧ វិទ្យាស្ថានជាតិពាណិជ្ជសាស្រ្តធ្វើការប្រឡងបញ្ចប់ឆ្នាំសិក្សាសិស្ស និស្សិតថ្នាក់បរិញ្ញាបត្រ សញ្ញាបត្រជាន់ខ្ពស់ និងសញ្ញាបត្របច្ចេកទេស និងវិជ្ជាជីវៈ២ ដែលមានការអញ្ជើញចូលរួមបើកកញ្ចប់វិញ្ញាសាពីឯកឧត្តម តឹប អឿន នាយកវិទ្យាស្ថាន

នៅរសៀលថ្ងៃទី១៨ ខែសីហា ឆ្នាំ២០១៧ ថ្នាក់ដឹកនាំ មន្រ្តី បុគ្គលិក សាស្រ្តាចារ្យនៃវិទ្យាស្ថានជាតិពាណិជ្ជសាស្រ្តបានទទួលបង់អង្គុយពីព្រះតេជគុណ ហេង សាមឿន និស្សិតជំនាញគ្រប់គ្រង ជំនាន់ទី១២ និងព្រះតេជគុណ ស្រៀង ម៉េងស្រ៊ុន និស្សិតជំនាញគ្រប់គ្រង ជំនាន់ទី១៥ និងអតីតនិស្សិតបន្ទប់ B21 រសៀល ជំនាញគ្រប់គ្រងអាជីវកម្ម ជំនាន់ទី១១ ដែលបានឧបត្ថម្ភដល់វិទ្យាស្ថានជាតិពាណិជ្ជសាស្រ្ត។ សូមថ្លែងអំណរព្រះគុណយ៉ាងជ្រាលជ្រៅ និងសូមប្រគេនជូនពរព្រះតេជគុណ និងអតីតនិស្សិត សូមជួបប្រទះនូវពុទ្ធពរទាំងបួនប្រការគឺ អាយុ វណ្ណៈ សុខៈ និងពលៈ កុំបីឃ្លៀងឃ្លាតឡើយ!

នៅថ្ងៃទី១៦ ខែសីហា ឆ្នាំ២០១៧ វិទ្យាស្ថានជាតិពាណិជ្ជសាស្រ្តបានដឹកនាំនិស្សិតចំនួន ២០នាក់ទៅចូលរួមកម្មវីធី " ខ្ញុំ និង អ្នក " នៅស្ថានីយ៍ទូរទស្សន៍ជាតិកម្ពុជា (ទទក) ក្នុងគោលបំណងឱ្យនិស្សិតបញ្ចេញនូវភាពក្លាហាន ចំណេះដឹង និងសមត្ថភាពរបស់ខ្លួនមាន ដើម្បីធ្វើការប្រគួតប្រជែងជាមួយបណ្តាសាលាផ្សេងៗ ក្នុងរាជធានីភ្នំពេញ។

វិទ្យាស្ថានជាតិពាណិជ្ជសាស្រ្តសូមជូនដំណឹងដល់ប្អូនៗទាំងអស់ដែលកំពុងសិក្សានៅវិទ្យាស្ថាន អាចដាក់ពាក្យជាបេក្ខភាពចូលរួមការប្រកួតប្រជែងជំនាញព័ត៌មានវិទ្យានៅវិទ្យាស្ថានជាតិពាណិជ្ជសាស្ត្រលើជំនាញ រចនាក្រាហ្វិចកុំព្យូទ័រ រចនាគេហទំព័រ និងសរសេរកម្មវិធីធុរកិច្ច។

ថ្ងៃទី២១ ខែកក្កដា ឆ្នាំ២០១៧ វិទ្យាស្ថានជាតិពាណិជ្ជសាស្រ្តបានរៀបចំសិក្ខាសាលាស្តីពី "អត្ថប្រយោជន៍ និងការអភិវឌ្ឍទីផ្សារធានារ៉ាប់រងនៅកម្ពុជា" ដល់ប្អូនៗនិស្សិត នៅវិទ្យាស្ថាន

ថ្នាក់ដឹកនាំ មន្ត្រីសាស្ត្រាចារ្យ បុគ្គលិក និងនិស្សិតទាំងអស់ នៃវិទ្យាស្ថានជាតិពាណិជ្ជសាស្រ្តចូលរួមអបអរសាទរការដាក់បញ្ជូលប្រាសាទសំបូរព្រៃគុក ជាសម្បត្តិបេតិកភណ្ឌពិភពលោក។

នៅថ្ងៃទី០៣ ខែកក្កដា ឆ្នាំ២០១៧ វិទ្យស្ថានជាតិពាណិជ្ជសាស្រ្តបានចូលរួមវេទិកាជាតិលើកទី៣ នៃវិស័យអប់បណ្តុះបណ្តាលបច្ចេកទេស និងវិជ្ជាជីវៈ នៅមជ្ឈមណ្ឌលពិពរណ៍កោះពេជ្រ ក្នុងគោលបំណងបង្ហាុញនូវភាពរីកចម្រើននៃវិស័យបច្ចេកទេស និងការចាប់យកជំនាញរៀនទៅដល់និស្សិត និងសិស្សដែលមកពីបណ្តាវិទ្យាល័យនានាក្នុងរាជធានីភ្នំពេញ

នៅថ្ងៃទី២៧ ខែមេសា ឆ្នាំ២០១៧ ឯកឧត្តម តឹប អឿន នាយកវិទ្យាស្ថានជាតិពាណិជ្ជសាស្រ្ត បានដឹកនាំសាស្រ្តាចារ្យ និងនិស្សិតចំនួន ២២ នាក់ទៅទស្សនកិច្ចសិក្សា សាកលវិទ្យាល័យចំនួន៤ នៅប្រទេសម៉ាឡេស៊ី ចំនួន៤ថ្ងៃ ។ សាកលវិទ្យាល័យទាំងនោះរួមមាន៖ ១. Universiti Kebangsaan Malaysia (UKM) ២. Universiti Putra Malaysia (UPM) ៣. HERIOT WATT University ៤. Malaysia Universiti

នៅព្រឹកថ្ងៃទី១៤ ខែមីនា ឆ្នាំ២០១៧ ឯកឧត្តម តឹប អឿន នាយកវិទ្យាស្ថានជាតិពាណិជ្ជសាស្រ្ត បានទទួលស្វាគមន៍ លោក JESSIE និងលោក PETER មកពីអង្គការ New Life Foundation ដេីម្បីសហប្រត្តិបត្តិការបណ្តុះបណ្តាលជំនាញ English, IT, Offices, Lifeskills, Leadership, Enterpreneurship និង Job Search & Interview Skills។ ក្រៅពីនេះ ក៏នឹងមានទីប្រឹក្សាសម្រាប់អភិវឌ្ឍ International Programs និងរៀបចំវគ្គសិក្ខាសាលាផ្សេងៗទៀតផងដែរ។

នៅថ្ងៃទី០៨ ខែមេសា ឆ្នាំ២០១៧នេះ វិទ្យាស្ថានពាណិជ្ជសាស្រ្ត និងធនាគារឯកទេសវីង (ខេមបូឌា) លីមីតធីត (Wing)បានចុះអនុស្សារណៈនៃការយោគយល់ (MoU) ស្ដីពីការឧបត្ថម្ភអ៊ីនធឺណិត រយៈពេល៣ឆ្នាំ $3,600 និងការផ្តល់ជូនគណនីវីងឥតគិតថ្លៃ និងឱកាសការងារដល់និស្សិត។