សូមអបអរសាទរ "រមណីយដ្ឋានប្រាសាទកោះកេរ" ដែលត្រូវបានអង្គការយូណេស្កូសម្រេចដាក់បញ្ចូលជាសម្បត្តិបេតិកភណ្ឌវប្បធម៌ពិភពលោក នៅក្នុងកិច្ចប្រជុំលើកទី៤៥ របស់គណៈកម្មាធិការបេតិកភណ្ឌពិភពលោក នៅទីក្រុងរីយ៉ាដ ប្រទេសអារ៉ាប៊ីសាអូឌីត នាថ្ងៃ១៧ កញ្ញា ២០២៣

នៅព្រឹកថ្ងៃចន្ទ ៤ កើត ខែភទ្របទ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី១៨ ខែកញ្ញា ឆ្នាំ២០២៣ ឯកឧត្តម តឹប អឿន នាយកវិទ្យាស្ថានជាតិពាណិជ្ជសាស្រ្ត បានដឹកនាំមន្រ្តីរាជការ លោកគ្រូ អ្នកគ្រូ និងនិស្សិតនៃវិទ្យាស្ថានជាតិពាណិជ្ជសាស្រ្ត គោរពទង់ជាតិនៃព្រះរាជាណាចក្រកម្ពុជានិងស្មឹងស្មាធគោរពវិញ្ញាណក្ខន្ធព្រះបាទជ័យវរ្ម័នទី៧។

ថ្ងៃចន្ទ ១១ រោច ខែស្រាពណ៍ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី១១ ខែកញ្ញា ឆ្នាំ២០២៣ ការគោរពទង់ជាតិនៃព្រះរាជាណាចក្រកម្ពុជានិងការស្មឹងស្មាធគោរពវិញ្ញាណក្ខន្ធព្រះបាទជ័យវរ្ម័នទី៧

នៅព្រឹកថ្ងៃព្រហស្បតិ៍ ៧ រោច ខែស្រាពណ៍ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី៧ ខែកញ្ញា ឆ្នាំ២០២៣ លោក ទូច ពិសិដ្ឋ អនុប្រធានការិយាល័យទំនាក់ទំនងរោងចក្រសហគ្រាស និងលោក ងួន លក្ខណ: ប្រធានដេប៉ាតឺម៉ង់ម៉ាឃិធីង នៃវិទ្យាស្ថានជាតិពាណិជ្ជសាស្រ្ត បានដឹកនាំនិស្សិតទៅធ្វើទស្សកិច្ចសិក្សានៅរោងចក្រផលិតស្រាបៀរកម្ពុជា (Khmer Beverages) ក្នុងគោលបំណងដើម្បីឱ្យនិស្សិតមានឱកាសសិក្សាស្វែងយល់ពីខ្សែច្រវ៉ាក់ដំណើរការផលិតកម្មរបស់រោងចក្រផ្ទាល់។

ព្រឹកថ្ងៃព្រហស្បតិ៍ ៧ រោច ខែស្រាពណ៍ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី៧ ខែកញ្ញា ឆ្នាំ២០២៣ វិទ្យាស្ថានជាតិពាណិជ្ជសាស្ត្រ បាននិមន្តព្រះមង្គលបញ្ញាមុនី ឈឿន ឈូក ជាព្រះរាជាគណថ្នាក់កិត្តិយស និងជាធម្មធរខណ្ឌដង្កោ និងជាចៅអធិការវត្តចំការខ្សាច់ នៅខណ្ឌដង្កោ រាជធានីភ្នំពេញ មកធ្វើពិធីអប់រំសីលធ៌មសង្គម និងផ្តល់ឱវាទ រួមទាំងធ្វើសមាធិចិត្តជូនដល់ ថ្នាក់ដឹកនាំ មន្រ្តីរាជការ លោកគ្រូ-អ្នកគ្រូ និងនិស្សិតនៃវិទ្យាស្ថានជាតិពាណិជ្ជសាស្រ្ត។

ថ្ងៃព្រហស្បតិ៍ ១៥ កើត ខែស្រាពណ៍ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី៣១ ខែសីហា ឆ្នាំ២០២៣ នៅវិទ្យាស្ថានជាតិពាណិជ្ជសាស្រ្តមានកិច្ចប្រជុំស្តីពីការពង្រឹងវិន័យនិងការរៀបចំការប្រឡងឆមាសក្រោមអធិបតីភាពលោកនាយករង ទា អុីវហួត និងលោកនាយករង ឈុន វណ្ណឡេង ដោយមានការចូលរួមពីលោក លោកស្រី ប្រធាន អនុប្រធាន ដេប៉ាតឺម៉ង់និងការិយាល័យ នៃវិទ្យាស្ថានជាតិពាណិជ្ជសាស្រ្ត។

ថ្ងៃសុក្រ ២ កើត ខែស្រាពណ៍ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី១៨ ខែសីហា ឆ្នាំ២០២៣ ឯកឧត្តម តឹប អឿន នាយកវិទ្យាស្ថានជាតិពាណិជ្ជសាស្រ្តនិងសហការី បានចូលរួមកិច្ចប្រជុំ បូកសរុប​លទ្ធផលការវាយតម្លៃពាក់កណ្ដាលអាណត្តិជាមួយក្រុមការងាររបស់គណ:កម្មាធិការទទួលគុណភាពអប់រំនៃកម្ពុជា ដែលវិទ្យាស្ថានជាតិពាណិជ្ជសាស្ត្រទទួលបានលទ្ធផលល្អប្រសើរ។

នៅព្រឹកថ្ងៃពុធ ១៥ រោច ខែទុតិយាសាឍ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី១៦ ខែសីហា ឆ្នាំ២០២៣ ឯកឧត្តម តឹប អឿន នាយកវិទ្យាស្ថានជាតិពាណិជ្ជសាស្រ្តនិងសហការី បានទទួលស្វាគមន៍ក្រុមការងាររបស់គណៈកម្មាធិការទទួលស្គាល់គុណភាពអប់រំនៃកម្ពុជាដែលដឹកនាំដោយ ឯកឧត្តមបណ្ឌិត រស់ សុវាចា អគ្គលេខាធិការគណ:កម្មាធិការទទួលស្គាល់គុណភាពអប់រំនៃកម្ពុជា ដើម្បីធ្វើការវាយតម្លៃពាក់កណ្តាលអាណត្តិនៃការទទួលស្គាល់គុណភាពអប់រំរបស់វិទ្យាស្ថានជាតិពាណិជ្ជសាស្រ្ត។

ថ្ងៃសុក្រ ១០ រោច ខែទុតិយាសាឍ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី១១ ខែសីហា ឆ្នាំ២០២៣ ឯកឧត្តម តឹប អឿន នាយកវិទ្យាស្ថានជាតិពាណិជ្ជសាស្រ្ត បានទទួលជួបពិភាក្សាការងារជាមួយមន្តី្រពន្ធដារ ស្តីអំពីកិច្ចសហការរៀបចំសិក្ខាសាលាជូននិស្សិតនៅវិទ្យាស្ថានជាតិពាណិជ្ជសាស្រ្តក្រោមប្រធានបទ៖ "ប្រព័ន្ធពន្ធដារកម្ពុជា និងបច្ចុប្បន្នភាពនៃច្បាប់ស្តីពីសារពើពន្ធ"។

On August 10, 2023 Partnership Workshop MoU & MoA Signing Ceremony between NIB and ITTP, UISI