ថ្ងៃចន្ទ ៤ កើត ខែស្រាពណ៍ ឆ្នាំខាល ចត្វាស័ក ពុទ្ធសករាជ ២៥៦៦ ត្រូវនឹងថ្ងៃទី១ ខែសីហា ឆ្នាំ២០២២ ឯកឧត្តម តឹប អឿន នាយកវិទ្យាស្ថានជាតិពាណិជ្ជសាស្រ្ត បានអញ្ជើញចូលរួមអបអរសាទរ ពិធីប្រកាសប្រធានកិត្តិយស ជនបង្គោល និងប្រធានសាខារបស់សមាគមសហព័ន្ធសិស្ស-និស្សិតអប់រំបណ្តុះបណ្តាលបច្ចេកទេស និងវិជ្ជាជីវ: (ក្រុម១៨) ប្រចាំគ្រឹះស្ថានអប់រំបណ្តុះបណ្តាលបច្ចេកទេស និងវិជ្ជាជីវ:

ថ្ងៃសៅរ៍ ២ កើត ខែស្រាពណ៍ ឆ្នាំខាល ចត្វាស័ក ពុទ្ធសករាជ ២៥៦៦ ត្រូវនឹងថ្ងៃទី៣០ ខែកក្កដា ឆ្នាំ២០២២ វិទ្យាស្ថានជាតិពាណិជ្ជសា្រស្រ្ត បានរៀបចំដំណើរកំសាន្តរបស់ថ្នាក់ដឹកនាំ បុគ្គលិក មន្រ្តីរាជការ សាស្រ្តាចារ្យ មកកាន់ខេត្តព្រះសីហនុ។

នៅព្រឹកថ្ងៃសុក្រ ៩ រោច ខែអាសាឍ ឆ្នាំខាល ចត្វាស័ក ពុទ្ធសករាជ ២៥៦៦ ត្រូវនឹងថ្ងៃទី២២ ខែកក្កដា ឆ្នាំ២០២២ ឯកឧត្តម​ តឹប អឿន នាយក​វិទ្យាស្ថានជាតិពាណិជ្ជសាស្រ្ត និង​សហការី​បាន​សំណេះ​សំណាល​ជា​មួយ​ប្អូនៗ​និស្សិត​មកពីឃុំចារ​ ស្រុកព្រៃកប្បាស ខេត្តតាកែវ។ ក្នុង​ពិធី​នេះ​ដែរ​ ឯកឧត្ដម​បាន​បង្ហាញ​ពីសមិទ្ធផលនានាដែលក្រុមការងារចុះជួយពង្រឹងឃុំចារ​បាន​ធ្វើ​ ហើយ​ឯកឧត្ដម​បាន​ជំរុញ និង​លេីកទឹកចិត្តឱ្យនិស្សិត​ខិតខំ​ប្រឹងប្រែង​រៀន​សូត្រ​ និងត្រូវ​រកការងារ​ធ្ធើឱ្យបាន​គ្រប់​គ្នា។ លេីសពីនេះទៀត​ ឯកឧត្ដម​បាន​ពន្យល់​អំពីជំនាញទន់ (soft skill) ដល់ប្អូនៗនិស្សិតយ៉ាងក្បោះក្បាយទៀតផង។

នៅព្រឹកថ្ងៃពុធ ៨ កើត ខែអាសាឍ ឆ្នាំខាល ចត្វាស័ក ពុទ្ធសករាជ ២៥៦៦ ត្រូវនឹងថ្ងៃទី៦ ខែកក្កដា ឆ្នាំ២០២២ វិទ្យាស្ថានជាតិពាណិជ្ជសាស្រ្តបានអនុញ្ញាតឱ្យក្រុមហ៊ុនអិល.ឌី.អេ ឃែភីថល ភីអិលស៉ីធ្វើសិក្ខាសាលានៅវិទ្យាស្ថានជាតិពាណិជ្ជសាស្រ្ត ដើម្បីសម្ភាសជ្រើសរើសបុគ្គលិកជាមួយនឹងនិស្សិតវិទ្យាស្ថានជាតិពាណិជ្ជសាស្រ្តដោយផ្ទាល់។

នៅថ្ងៃពុធ ១ កើត ខែអាសាឍ ឆ្នាំខាល ចត្វាស័ក ពុទ្ធសករាជ ២៥៦៦ ត្រូវនឹងថ្ងៃទី២៩ ខែមិថុនា ឆ្នាំ២០២២ ឯកឧត្តម តឹប អឿន នាយកវិទ្យាស្ថានជាតិពាណិជ្ជសាស្រ្តបានជួបពិភាក្សាជាមួយខាង ADB ដឿម្បីពិនិត្យមើលបន្ទប់អនុវត្តកុំព្យូទ័រនៅវិទ្យាស្ថានជាតិពាណិជ្ជសាស្រ្ត ដឿម្បីពង្រឹងផ្នែកព័ត៌មានវិទ្យាដល់និស្សិត NIB

នៅថ្ងៃពុធ ១ កើត ខែអាសាឍ ឆ្នាំខាល ចត្វាស័ក ពុទ្ធសករាជ ២៥៦៦ ត្រូវនឹងថ្ងៃទី២៩ ខែមិថុនា ឆ្នាំ២០២២ លោកស្រី អ៊ូ ព្រំសុធារី នាយិការងវិទ្យាស្ថានជាតិពាណិជ្ជសាស្រ្ត និងសហការីតំណាង ឯកឧត្តម តឹប អឿន នាយកវិទ្យាស្ថានជាតិពាណិជ្ជសាស្រ្ត បានចែកម៉ាស់ដែលជាអំណោយរបស់ ឯកឧត្តម ហេង សួរ ប្រធានសមាគមសហព័ន្ធសិស្ស-និស្សិតអប់រំបណ្ដុះបណ្ដាលបច្ចេកទេសនិងវិជ្ជាជីវៈ និងជារដ្ឋលេខាធិការក្រសួងការងារនិងបណ្តុះបណ្តាលវិជ្ជាជីវ: ជូនដល់និស្សិតដែលកំពុងសិក្សានៅវិទ្យាស្ថានជាតិពាណិជ្ជសាស្រ្ត។

ទិវាជាតិអប់រំបណ្ដុះបណ្ដាលបច្ចេកទេស និងវិជ្ជាជីវៈលើកទី៥ ឆ្នាំ២០២៣ ក្រោមប្រធានបទ TVET បង្កើនផលិតភាពការងារនិងភាពប្រកួតប្រជែងខ្ពស់ នៅថ្ងៃទី ១៥ ខែមិថុនា ឆ្នាំ២០២២ នៅសាលពិព័រណ៍ពាណិជ្ជកម្មកោះពេជ្រ ចាប់ផ្តើមពីម៉ោង ៨:០០ព្រឹក ដល់ម៉ោង ៨:០០យប់ ចូលរួមដោយសេរី។

ចូលរួមដោយសេរីនៅអគារពិព័រណ៍ពាណិជ្ជកម្មកោះពេជ្រ នៅថ្ងៃទី១៥ ខែមិថុនា ឆ្នាំ២០២២ ចាប់ពីម៉ោង ៨ព្រឹក ដល់ម៉ោង ៨យប់៕

នៅថ្ងៃសុក្រ ៦ កើត ខែពិសាខ ឆ្នាំខាល ចត្វាស័ក ពុទ្ធសករាជ ២៥៦៥ ត្រូវនឹងថ្ងៃទី៦ ខែឧសភា ឆ្នាំ២០២២ ឯកឧត្តម តឹប អឿន នាយកវិទ្យាស្ថានជាតិពាណិជ្ជសាស្រ្ត និងឯកឧត្តម ថង សាម៉ុន អនុប្រធានសមាគមសហព័ន្ធសិស្ស-និស្សិតអប់រំបណ្ដុះបណ្ដាលបច្ចេកទេសនិងវិជ្ជាជីវៈ បានអញ្ជើញជាគណៈអធិបតីក្នុងពិធីប្រកាសប្រធាននិងអនុប្រធានសមាគមសហព័ន្ធសិស្ស-និស្សិតអប់រំបណ្ដុះបណ្ដាលបច្ចេកទេសនិងវិជ្ជាជីវៈប្រចាំវិទ្យាស្ថានជាតិពាណិជ្ជសាស្រ្ត។ ក្នុងឱកាសនោះផងដែរ ឯកឧត្តម ថង សាម៉ុន បាននាំយកនូវអំណោយជាម៉ាស់ចំនួន ៣,០០០ ម៉ាស់ របស់ ឯកឧត្តម ហេង សួរ ប្រធានសមាគមសហព័ន្ធសិស្ស-និស្សិតអប់រំបណ្ដុះបណ្ដាលបច្ចេកទេសនិងវិជ្ជាជីវៈ និងជារដ្ឋលេខាធិការក្រសួងការងារនិងបណ្តុះបណ្តាលវិជ្ជាជីវ: ជូនដល់ឯកឧត្តមនាយកដើម្បីចែកដល់និស្សិតវិទ្យាស្ថានជាតិពាណិជ្ជសាស្រ្តផងដែរ។